陳茵媺勁犀利 一拖三個BB坐飛機返香港

睇相已經覺得好sweet好溫馨！！

昨晚喺香港國際機場陳豪一家團聚場面出現啦。上個月一拖三個寶貝返咗加拿大放暑假嘅陳茵媺昨晚返港，一直在港拍劇嘅爹哋陳豪，昨朝開完工，一收工就入機場，晚上在八點幾已嚟到機場等候。

陳豪一個無聊呆等。正常人等接機都會篤下手機，但佢只係全神貫注咁望住入境大堂，唔敢行開，視線亦唔敢離開，最多都只係睇下Message，但望一望又即刻望番大堂。

到九點半左右，陳茵媺同三個小朋友終於到喇！冧爆嘅陳豪即刻衝入去迎接，先俯身同安坐BB車嘅兩個囝囝say hi，問佢哋認唔認得爸爸。但兩個仔坐咗十幾個鐘頭飛機，真係好攰，所以反應都不大。然後陳豪又錫錫老婆，感謝佢嘅辛勞，然後又逗1歲嘅細女Camilla玩，細女一見到爸爸即刻笑到咭咭聲，開心到不得了畫面勁溫馨。