復活節假期去深圳人氣抹茶甜品! 抵食+影相打卡之選

深圳人氣抹茶甜品! 價錢抵又好食~ 和風環境影靚相!

聽朋友講深圳有幾間人氣抹茶店,我奶茶妹最鍾意就係食甜品,梗係要去試試佢!

我驚喜發現,食物價錢平過香港一大截,質素仲絕對唔差!
重點係店內設計好日系,啱晒我呢啲妙齡少女影相打卡啦~~

 

初代甜品宇治抹茶

呢間甜品舖清一色賣抹茶甜品/飲品,我就試咗店員話最受歡迎嘅三款!

山核桃抹茶千層蛋糕 (人民幣28元)

無呃你!呢個千層蛋糕係必定要食!
唔單止Cream夠滑夠香濃、班戟皮夠薄,啲份量勁多嘅核桃粒,完全係豐富咗成件蛋糕嘅口感+味道!

抹茶大福 (人民幣25元/2粒)

第二樣我覺得都要嗌嘅嘢:抹茶大福!CP值好高~
糯米糍好淋,唔會食到啖啖粉!

抹茶Cream回甘,紅豆粒粒飽滿,一口氣就食晒三粒了!

宇治抹茶配雪糕 (人民幣35元)

飲品雖然係最貴,不過抹茶雪糕係吱到成個杯咁高!
完全唔會過甜,飲落有refreshing嘅感覺~~

最後~~最正的宇治抹茶紅豆雪糕 (人民幣20元)

宇治抹茶雪糕好滑,紅豆蓉好好味!

 

重點係,呢間Cafe嘅和風設計好靚,有唔少打卡位!

食完記得影返幾張相先好走啊~

地址:
文心六路海岸城東座二層216號 (海岸城店)
東門街道永新街59-11號 (東門店)

 

 

文:奶茶妹

發表迴響

你的電子郵件位址並不會被公開。 必要欄位標記為 *