食盡好野的天王郭富城 終於娶老婆啦!

51歲的天王郭富城終於娶老婆!昨日本報在金鐘婚姻註冊處,發現城城和29歲內地女友方媛(Moka)的擬結婚通知書,原來兩人於本月4日已入紙註冊,收埋足足23天終被踢爆喜事!聽聞,準城嫂Moka已懷有兩個多月身孕,曾揚言要規劃人生大事的城城,將於下月中在港擺酒,雙喜臨門!

身為四大天王兼金馬、金像雙影帝的郭富城,不但在事業上呼風喚雨,愛情更加多姿多采,入行多年曾傳出16段情史,性感女神藤原紀香、鍾麗緹、朱茵都曾與他傳緋聞,城城之前跟熊黛林拍拖7年未能開花結果,但他於前年12月一反作風,高調在微博認戀方媛,51歲的他終被收服,本月初跟女友排期結婚,小編覺得Moka性格應該溫柔聽話,好過熊黛林太過有性格就會難頂囉!

「準城嫂」Moka喺12年嚟香港組成女子組合之前,曾喺上海參加過「沙灘寶貝大賽」,當時臉圓圓仲有啲baby fat。

 

Moka除咗係沙灘寶貝,原來喺12年試過化名「愛麗絲」,參加過內地相睇節目《非常完美》。Moka喺節目報稱當時得23歲,從事會計工作。當時其他男參加者就讚佢有明星臉,除咗似日本女模藤井Lena,仲有幾分似趙薇。被封「國產Leah Dizon」,推出《Shining Moka》寫真集,着火辣比堅尼晒33C身材,又跟𡃁模郭穎兒及曾善美等組成Voodoo Girls,拍網劇《女生公寓》及《五月花語》。其後Moka敗走內地開淘寶店賣衫。


Moka喺節目中,話因為憧憬爸爸媽媽嘅愛情,所以就參加咗呢個節目。Moka仲喺節目裡面承認拍過6次拖,非常鍾意浪漫,希望男朋友會係一個有禮貌、注重細節,仲認為男仔應該要寵愛女朋友。

 

發表迴響

你的電子郵件位址並不會被公開。 必要欄位標記為 *