《茜利妹瀨嘢》 Miss Hunny 傻的嗎?咁鳩屎的大話?

魔術師兼YouTuber Miss Hunny話自己年幾前患癌,因為等報告俾茜利妹取消訪問,令佢好難受;但茜利妹就踢爆佢講大話兼抽水。單新聞一出,受過Miss Hunny氣嘅苦主紛紛聲援茜利妹!

 

Miss Hunny話自己年幾前患子宮頸癌嗰陣,因為等報告趕唔切去電台做訪問,佢話講咗俾個電台主持聽自己患癌,但對方都取消咗個訪問,仲當佢係藉口。

茜利妹就強調根本冇直接接觸過Miss Hunny,取消訪問係因為成棚人等唔到佢,並唔係「以為佢搵藉口」。

佢哋嘅恩怨曝光之後,網民對Miss Hunny自稱靠做中醫嘅媽咪,用幹細胞藥極速醫好佢,覺得離奇之外。

以前受過Miss Hunny氣嘅苦主,亦狂數佢。有PR話Miss Hunny間公司所謂嘅KOL接job唔專業,字寫錯、嘢又tag錯都唔肯改。

又有PR話有個客搵Miss Hunny拍4條網片加一個商場活動,活動兩點開始,但中午就失去聯絡。

終於搵到佢喇,佢竟然話既然活動已經開始,佢過嚟都冇用。客戶強硬話出SHOW係合約講明,佢先肯嚟。

佢嚟到,活動已經做到大半,但佢唔係即刻埋位,而係走去買鞋,要PR捉佢埋位,最尾亮相咗3分鐘咁「多」,咁都得!有網友爆,有個客戶同佢合作完,嬲到話永不錄用。

有網台主持亦呻訪問Miss Hunny嗰陣,對方表現到好似施捨個訪問機會俾佢咁。

咁多苦主,Miss Hunny D大話真係講大咗囉!可能佢本身都係成日鳩UP的人,講大咗講到自己都以為係真!

其實睇佢身邊的人都可估到邊一個可信!佢身邊司徒呢D鳩屎人就知啦!

文: 奶茶仔

發表迴響

你的電子郵件位址並不會被公開。 必要欄位標記為 *