《致命復活》網上老吹劇透 大爆真兇係你估到估唔到？其實想做宣傳效果～

台慶劇《 致命復活 》自播出以來收視同口碑好似都唔錯，其實好多情節都好不個常理，吹到劇情有話題性、郭晉安演技被網民激讚之外，最吸引觀眾嘅始終係估邊個先係幕後黑手，係邊個搞到郭晉安被困山洞十年呢？又老吹有網民話收到TVB編劇朋友嘅獨家爆料，《致命復活》嘅真正結局，而真兇絕對係估佢唔到喎！

注意！以下內容含嚴重《老吹》劇透！

好似好多網友都會估真兇會係老婆阮喬(萬綺雯飾)、老婆嘅現任老公阿仁(黃德斌飾)、公司拍檔CK(張國強飾) 定係親生大佬韋逸隆(古明華飾)，但佢地通通都唔係。幕後黑手竟然係馬慧琪(謝雪心飾)、康文瀚(于洋飾) 個老婆，Max(王浩信飾)個媽媽!

原來Max係康文瀚當年同一個工人所生嘅私生子，而唔係馬慧琪親生，細仔Calvin(黃嘉樂飾) 先係唯一親生仔。馬慧琪為左剷除Max，令親生仔Calvin可以繼承康家所有財產而安排嘅綁架行動，因此馬慧琪一開始就打算將Vincent、Max及Ivy三人殺光。但天意弄人，當日Vincent及Max齊齊逃走，點知Max成功逃脫，而Vincent卻被綁匪捉左，之後將佢困喺荒島十年，所以Vincent被困十年實屬不幸。

個結局真定假要睇到最後先知，到時候又可能出一個幕後黑手又係第二個，但係呃你追睇結果， 依個故事都話算創新，抵啲觀眾晚晚追？當現在香港觀眾是傻的嗎？ 我都係覺得李添勝的劇好睇好多，不過人地老人家退休啦～～彩你地都傻

文： 奶茶仔